Berisha gjatë mbledhjes së Këshillit Kombëtarët të Partisë Demokratike, vuri theksin tek vendimi i fundit i qeverisë për vendosjen e fashës 800 këh për energjinë elektrike.
Sipas tij Shqipëria prodhon 98% të energjisë brenda vendit dhe se sot në Shqipëri prodhohet dy terravat më shumë energji nga sa konsumohet.
“Gjendja ekonomike e shqiptarëve shkon drejt një vështirësie. Jeni dëshmitar të largimit masiv të shqiptarëve. Ishte një fushë, që kjo luftë mund të mos na prekte pothuaj fare. Cila fushë? Energjia. Ne jemi vend me 98% të prodhimit energjitik nga ujrat që nuk lidhen as me Rusinë, Beogradit e as me Ukrainën përveçse me territorin e Shqipërisë.
Ajo strategji që zgjodhëm në vitet e qeverisjes tonë, është sot e faktuar si një sukses shumë i madh. Sot, hidrocentralet e ndërtuara nga sektori privat pas vitit 2007 prodhojnë rreth 60% të energjisë së vendit. Shqipëria prodhon 2 terravat më shumë se sa konsumon. Çfarë po ndodh me ne, vetëm vjedhje. Energjinë nga digat e shesim me 40 euro.
Njeriut të vetë, ai e shet në bursë me 130 euro dhe fitimin e ndan. Ata blejnë energji me 500 euro ndërkohë që në bursë shitet me 280 euro. E gjithë skema e përdorur, menaxhimi i energjisë, i cili nuk mund të kishte asnjë problem”, tha Berisha.
