Një tjetër deputetet demokrat i është bashkuar grupimit të ligjvënësve të djathtë të rreshtuar krah kryetarit të PD-së Sali Berisha.
Bëhet fjalë për Zef Hilën, i cili ishte i pranishëm në mbledhjen e grupit parlamentar demokrat në selinë blu këtë të Mërkurë, të thirrur nga ish-kryeministri Sali Berisha.
Në këtë mbledhje ishin të pranishëm 17 deputetë, ndërkohë që mungonte Tritan Shehu për arsye familjare. Po ashtu, nuk ishin të pranishëm as Xhelal Mziu dhe Tomor Alizoti, të cilët janë futur në grupet e punës së ngritur nga PD-ja për përgatitjen e zgjedhjeve lokale.
