Deputeti dhe kryetari i Këshillit Kombëtar të PD, Edi Paloka ka komentuar në rrjetin e tij social fb, ceremoninë zyrtare në nder të të Mbretëreshës Elizabeth II.
Përmes një statusi në fb, Paloka shkruan se Edi Rama dhe Erion Veliaj tentuan me çdo kusht të ishin të ftuar në këtë ceremoni, por më pas e kuptuan se nuk mund t’i blinin ato me para.
Kryeministri dhe kryebashkiaku i Tiranës u injoruan krejtësisht, ndërsa i vetmi i ftuar zyrtar është presidenti Bajram Begaj dhe bashkëshortja e tij.
Postimi
Si ka mundësi që mes 500 personaliteteve që u ftuan të merrnin pjesë në ceremoninë mortore të Mbretëreshës Elisabet ll, nuk ishte as lideri global e as velina zdromse e bashkisë?! Shpëtimtari i afganëve; kreu i OSBE që vendosi paqen mes Rusisë dhe Ukrainës; shefi i Këshillit të Sigurimit të OKB dhe bashkëmbajtës i penës; ideatori i Ballkanit superfuqi; i adhuruari i Angela Merkel; dhuruesi i atleteve të Macron; miku i ngushtë i Cristiano Ronaldos dhe Leonardo Di Caprio; piktori që si asnjë tjetër, ka ekspozuar veprat e tij në të gjitha galeritë më të famshme të globit; Skënderbeu i Elisës… Si ka mundësi që e injoruan këtë personalitet të shquar botëror dhe e zëvendësuan me Bajramin…?!!! Bajrami as nuk e kishte me merak që të shkonte, ndërkohë që stafi i liderit global u bë copash për t’i siguruar një mundësi qoftë edhe në ndonjë cep të humbur se pastaj kujdesej Fuga për fotot që të dukej sikur të gjithë po rrotulloheshin rreth udhëheqësit. I vetmi që mund ta siguronte ftesën, Toni këshilltari i liderit, kërkoi një shifër të palogjikshme, duke patur parasysh gjithnjë që ai punon pa pagesë për liderin, thjeshtë nga simpatia që ka për të. Të njëjtin fat pati dhe Velina zdromse, që u përpoq po aq sa lideri për të qenë pjesë e ceremonisë, po e kuptoi që ftesat në këtë rast nuk bliheshin dot me para si çmimet që merren poshtë e lartë…
