Reshjet e shumta të shiut që kanë nisur që prej ditës së djeshme, kanë sjellë përmbytje në disa fshatra në Kukës dhe Tropojë.
Situata në Tropojë është përkeqësuar. Përmbytje të jashtëzakonshme raportohen në fshatin Vlad dhe në Fushë-Lumi, ku 7 familje kanë mbetur të bllokuara.
Sipas njoftimit të Komisionerit për Mbrojtjen Civile Prefektura Kukës situata në Kukës dhe Has nuk paraqitet me probleme emergjente.
“Nga informacioni i marrë nga bashkitë si rezultat i kushteve të motit reulton se:
I gjithë territori i Qarkut Kukës është përfshirë nga reshje shiu dhe më intensive në territorin e bashkisë Tropojë.
Në bashkinë Kukës e Has deri në këto momente nuk kemi raportime për ndonjë problematikë emergjente.
Nga informacioni i marrë nga Përgjegjësi i EC-së bashkisë Tropojë si rezultat i reshjeve te shiut : gjendja ne fshatin Fushe-Lumi te Nj.Adm.Margegaj dhe ne fshatin Vlad te Nj.Adm.Bytyc ka përmbytje te jashtezakonshme.
– Ne fshatin Vlad situata eshte me e perkeqesuar, aty qe ne oret e para te mengjesit ndodhen stafi i Bashkise Tropoje, ku po monitorojne situaten per te parandaluar ndonje fatkeqesi.
-Ne fshatin Fushe-Lumi 7 familje jane te bllokuara nga sasia e madhe e reshjeve dhe uji i grumbulluar”, thuhet në njoftim.
Nga bashkia Tropojë mësohet se janë angazhuar të gjitha strukturat përgjegjëse.
