Një 73-vjeçar nga Greqia, i cili akuzohet për përdhunimin e vajzës së tij me aftësi të veçanta, pretendon se e bija e ka “provokuar” seksualisht.
Ai ka treguar se kishte kryer marrëdhënie me vajzën e tij me aftësi të kufizuara duke përshkruar aktin e tij të rëndë.
Duke kërkuar falje në prani të avokatit të caktuar nga hetuesi, 73-vjeçari ka pohuar se hera e vetme që ka ndodhur një akt dashurie ka qenë e shtuna e datës 26 shkurt 2022.
“E di se çfarë ndodhi ishte e gabuar dhe pendohem për veprimin tim. I kërkoj falje gjithë familjes sime dhe veçanërisht vajzës sime. Por gabimi ishte edhe i imi pasi nuk rezistova aq sa duhej. Çdo ditë zihem me veten dhe pendohem për atë që më ndodhi”, theksoi ai, duke shtuar se e ka nisur e bija e tij, për shkak të problemeve të shëndetit mendor që ka që mund ta vështirësojnë menaxhimin e dëshirave seksuale, shkruan neësbomb.gr.
Më 28 shkurt 2022, vëllai i vajzës 49-vjeçare ka denoncuar në Drejtorinë e Sigurimit të Rodos se më 26 shkurt 2022, një operator vinçi ka parë motrën e tij, duke kryer marrëdhënie seksuale me një të moshuar, ku më vonë u zbulua se ishte i ati.
