Policia e Vlorës ka arrestuar një 24 vjeçar pasi dyshohet se shpërndante doza droge të llojeve të ndryshme.
Në pranga ka përfunduar shtetasi me iniciale A.L, i cili bënte rolin e “spaçatorit” në zonën e plazhit të Dhërmiut.
“Nga specialistët për Hetimin e Narkotikëve në Drejtorinë Vendore të Policisë Vlorë, në vijim të punës për parandalimin, evidentimin dhe goditjen e veprimtarisë kriminale në fushën e shpërndarjes së lëndëve narkotike, u arrestua në flagrancë shtetasi A. L., 24 vjeç, banues në Tiranë, pasi në Dhërmi, gjatë kontrollit fizik, iu gjetën dhe iu sekuestruan doza me lëndë të dyshuar narkotike MDMA, kokainë dhe cannabis sativa”, njofton policia.
Materialet i kaluan Prokurorisë, për veprime të mëtejshme.
