Nisur nga sulmet e fundit kibernetike ndaj shërbimeve në vend, eksperti i Sigurisë Fatjon Softa e quajti luftë “hibride” situatën aktuale të vendit me shtetin Iranian.
Në studion e emisionit “Pushteti” të Fax News, Softa theksoi se këto sulme nuk janë rastësore, pasi Irani ka vite që vepron në Shqipëri, edhe me rekrutime sipas tij sidomos në aktivitetet e bamirësisë.
“Ky sulm ishte i paralajmëruar, ka vite që iranianët veprojnë dhe punojnë në territorin shqiptar, sidomos pas luftës në Ukrainë. Hapësira ballkanike mbetet gjithmonë e rrezikuar e në qendër të saj është Shqipëria. mKëtu kanë vepruar disa organizata përveç trupit diplomatik, ka dhe rekrutime duke nisur që nga aktivitetet e bamirësisë.
Irani ka ndërtuar struktura, unë nuk them vetëm luftë kibernetike, por hibride sepse kemi të gjithë elementët. Ka spiunazh dhe shërbim informative dhe aktivitete brenda burgjeve, sepse opozita iraniane ka tendencën për të përgatitur një akt terrorist. Janë sulme jo vetëm për sistemin TIMS por edhe të tjera, të përsëritura.Kjo e bën edhe më përgjegjëse qeverinë shqiptare dhe Komitetin e Sigurisë. Nuk ka ndarje politike kur bëhet fjalë për çështje madhore të vendit”-tha Softa.
