Censura në Shqipëri tashmë është një institucion tejet i konsoliduar dhe më efikasi me të cilin Rilindja është treguar efektive dhe e pamëshirshme.
Rasti më i fundit është intervista që analisti Fatos Lubonja ka dhënë sot në News24, ku i pyetur për protestën e opozitës në 13 Maj, ai ka dalë hapur në krah saj duke e konsideruar si të nevojshme për kohën që po kalojmë.
“Protesta e 13 Majit është produktive, duhet protestë. Kur vjen puna për 3 banda apo 1 bandë unë mbështes më mirë 3 banda. Nuk mund të shkojmë me aspiratën e Edi Ramës për një sistem monopartiak me mbështetjen e ndërkombëtarëve. Për këtë arsye them që duhet protesta, e mira është që protesta të vijë nga një energji popullore dhe të mos jetë e sforcuër, por megjithatë është për tu mbështetur” – deklaroi Lubonja.
Por ndërkohë SYRI.net ka siguruar të plotë videon momentit kur Lubonja jep mbështetjen e tij për protestën e opozitës. Ndërkohë portali Balkanweb.com, publikoi pas intervistës vetëm pjesën kur Lubonja komentoi zërat kritikë brenda opozitës duke e shmangur krejtësisht komentin e tij për protestën e pritshme te opozitës në 13 Maj.
Ndërsa të tilla media e kanë humbur njëherë e mirë pavarësinë e tyre për shkak të nënshtrimit të pronarit të saj ndaj ekzigjencave të pushtetit.
