Policia e Tiranës vuri sot në pranga 7 persona të dyshuara për vepra të ndryshme kriminale në kryeqytet.
Të arrestuarit janë arrestuar për trafikim lëndësh narkotike, dhunë ën familje dhe drejtim mjeti në gjendje të dehur dhe pa lejen përkatëse.
Njoftimi i policisë:
Vihen në pranga 7 shtetas, për vepra të ndryshme penale.
Specialistët për Hetimin e Narkotikëve arrestuan shtetasit:
– R. M., 22 vjeç, banues në Tiranë, pasi gjatë kontrollit fizik nga shërbimet e Policisë, iu gjet dhe iu sekuestrua, në cilësinë e provës materiale, një sasi lënde e dyshuar narkotike e llojit cannabis sativa;
– K. M., 23 vjeç, banues në Tiranë, pasi gjatë kontrollit fizik nga shërbimet e Policisë, iu gjet dhe iu sekuestrua, në cilësinë e provës materiale, një sasi lënde e dyshuar narkotike e llojit kokainë.
Specialistët për Hetimin e Krimeve në Komisariatin e Policisë Nr. 1 arrestuan shtetasin A. A., 62 vjeç, banues në Petrelë, pasi ka ushtruar dhunë ndaj bashkëshortes dhe dyshohet se e ka kanosur atë me armë zjarri.
Specialistët për Hetimin e Krimeve në Komisariatin e Policisë Nr. 5 ndaluan shtetasin F. B., 44 vjeç, për veprat penale “Dhuna në familje” dhe “Veprime në kundërshtim me vendimin e gjykatës”, pasi dyshohet se, në kundërshtim me vendimin e gjykatës, ka ushtruar dhunë ndaj bashkëshortes, e cila është e pajisur me urdhër mbrojtje.
Gjithashtu, nga këto struktura u arrestua në flagrancë shtetasi B. K., 21 vjeç, pasi ka ushtruar dhunë ndaj tezes të tij.
Specialistët e Qarkullimit Rrugor arrestuan shtetasit:
– A. B., 21 vjeç, pasi u kap duke drejtuar motomjetin, pa leje drejtimi;
– Xh. A., 59 vjeç, pasi duke drejtuar automjetin, në gjendje të dehur, ka tentuar të korruptojë punonjësin e Policisë, duke i ofruar një shumë parash.
—
