I deleguari i Partisë Socialiste në qarkun e Vlorës, Damjan Gjiknuri teksa prezantonte listën e kanidatëve për deputetë, ndër të tjera tha se kishte edhe një surprizë për shqiptarët. Sipas ti, Kryministri Edi Rama, i zgjedhur si deputet në qarkun e Vlorës në vitin 2013, do të kanidonte sërish në Vlorë. Por këtë radhë sipas Gjiknurit, Rama kishte zgjedhur të ishte i gjashti në listë duke sfiduar kështu jo vetëm opozitën, por edhe Vlonjatët. Këta të fundit e dinë më mirë se kushdo tjetër se çfarë ndodh në qytetin e Vlorës pas një shiu të imët. Gjithë qyteti shëndrrohet në një rezervuar të madh dhe kjo fal investimeve dhe kujdesit të veçantë të deputetit Edi Rama, njëherësh edhe kryeministrit të vendit.
Por komisari politik në qarkun e Vlorës, Damjan Gjiknuri që zëvendësoi Koço Kokëdhimën harroi të prezantonte surprizën tjetër për shqiptarët, e veçanërisht për votuesit e Partisë Socialiste në Qarkun e Vlorës. Në vend të botuesit Fatmir Toçi, njeri i letrave, Kryeministri Rama ose Kryesia e Partisë kanë vendosur të kanidojnë një biznesmen, deri tani i pa angazhuar politikisht. Bëhet fjalë për pronarin e rrjetit të supermarketeve “Big Market”, Vullnet Sinaj, i cili renditet i katërti në listën e Vlorës. Një biznesmen në Parlament patjetër që mund të jetë më përfaqësues sa i përket çështjeve të biznesit, por ka një ndryshim shumë të madh nga një botuese. Ky i fundit prodhon libra për të tjerët, ndërsa një biznesmen prodhon para për vete.
