Plagosje me thikë në Maliq
Një person është plagosur me thikë në Maliq, bëri me dije policia këtë të Mërkurë.
Sipas bluve, i plagosuri është jashtë rrezikut për jetën, ndërsa autori, i cili vuan nga probleme të shëndetit mendor, është shpallur në kërkim.
“Specialistët për Hetimin e Krimeve në Komisariatin e Policisë Maliq referuan materialet në Prokurori dhe shpallën në kërkim shtetasin A.F., 39 vjeç, banues në Maliq, për veprën penale ‘Plagosja e lehtë me dashje’. Ky shtetas (i cili vuan nga probleme të shëndetit mendor), në bllokun nr. 1, Maliq, ka dëmtuar me mjet prerës (thikë) në shpatull, shtetasin A. Sh., 51 vjeç, banues në Maliq, i cili ndodhet në spitalin e Korçës, jashtë rrezikut për jetën”, njoftoi policia.
Nga ana e Policisë po punohet për kapjen e autorit, ndërsa materialet i kaluan Prokurorisë së Rrethit Gjyqësor Korçë për veprime të mëtejshme, shtuan të njëjtat burime.
