Një krim tronditës ka ndodhur mbrëmjen e sotme në fshatin Grykë e Zezë të Lezhës. Burimet nga policia lokale kanë bërë të ditur se ish-dhëndërri i familjes Gjoka ka vrarë vjehrrin dhe kunatin e tij.
Autori është identifikuar si Besnik Pjetri, i cili ka qëlluar me armë duke vrarë me armë Pjeter Perjaku dhe Gent Perjaku.
Burimet konfirmojnë se dy viktimat sapo ishin kthyer nga Italia ditën e sotme. Policia ndodhet në vendngjarje dhe po heton rastin, si dhe është vënë në ndjekje të autorit, i cili është larguar nga vendngjarja.
Policia e Lezhës/ Informacion paraprak
Rreth orës 23:00, në fshatin Grykë Zezë në Lezhë, ka ndodhur një krim në familje, ku dyshohet që shtetasi B.P., ka vrarë me armë zjarri shtetasit P.P. dhe G.P. ( babë e bir), tek banesa e tyre, për shkak të një konflikti familjar.
Autori i dyshuar ka qenë pjesë e asaj familje, ish dhëndër i tyre dhe konflikti dyshohet se ka ardhur pas divorcit mes çiftit.
Janë ngritur pika kontrolli si dhe po bëhet krehja e zonës me qëllim lokalizimin dhe kapjen e shtetasit B.P.
Grupi hetimor në vendngjarje vazhdon punën hetimore për zbardhjen e plotë të rrethanave të ngjarjes.
