Është hedhur në Stamboll të Turqisë shorti për fazën e grupeve të Ligës së Kampionëve. 32 skuadrat e kualifikuara në Kupën me veshë të mëdhenj, njohën kundërshtarët e tyre të ardhshëm për sezonin 2022/23.
Në këtë fazë të kompeticionit emocionet dhe përplasjet “big” nuk do të mungojnë pasi fati ka vendosur përballë njëra-tjetrës skuadra favorite. Vlen të përmendet Bayern Munich, Barcelona dhe Inter në grupin C, PSG, Juventus, Benfica në grupin H apo Milan-Chelsea në grupin E.
Faza e grupeve nis në 6 shtator dhe përfundon në 2 nëntor për shkak të Botërorit. Finalja e këtij edicioni do të luhet në 10 qershor në Stamboll. Nuk ka skuadra ruse, Shakhtar Donetsk, kampion i Ukrainës, do t’i luajë ndeshjet si pritës jashtë vendit.
Grupet e Champions League:
A – Ajax, Liverpool, Napoli, Rangers.
B – Porto, Atletico Madrid, Bayern Leverkusen, Club Brugge.
C- Bayern Munich, Barcelona, Inter, Viktoria Plzen.
D – Eintracht Frankfurt, Tottenham, Sporting CP, Marseille.
E- Milan, Chelsea, Salzburg, Dinamo Zagreb.
F – Real Madrid, Leipzig, Shakhtar Donetsk, Celtic.
G – Manchester City, Sevilla, Borussia Dortmund, Copenhagen.
H – PSG, Juventus, Benfica, Maccabi Haifa.
