Një 29-vjeçar ka rënë në prangat e policisë së Gjirokastrës, pasi është kapur duke qarkulluar me doza kokaine në automjet.
I riu, sipas bluve, e kishte bërë gati lëndën narkotike për ta shitur, ndërsa policia i gjeti në makinë edhe një shumë parash prej 38 000 lekësh të rinj, e dyshuar e përfituar nga kjo veprimtari kriminale.
M.K., 29 vjeç, banues në Tepelenë, akuzohet për veprën penale “Prodhimi dhe shitja e narkotikëve”.
“Gjatë kontrollit të shërbimeve të Policisë, në automjetin që ky shtetas drejtonte, u gjetën dhe u sekuestruan në cilësinë e provës materiale, doza me lëndë të dyshuar narkotike kokainë, të gatshme për shpërndarje, si dhe një shumë parash prej 38 000 lekësh të rinj, e dyshuar e përfituar nga kjo veprimtari kriminale”, njoftoi policia.
