32-vjeçari Andon ( Ardit) Duzha, i shpallur në kërkim prej vitit të kaluar për kultivimin e 400 fidanëve kanabis, është arrestuar ditën e sotme.
Në kuadër të operacionit “Sulta” është arrestuar Andon ( Ardit) Duzha banues në Elbasan.
Në korrik të vitit 2021, në tokën në pronësi të 32-vjeçarit, shërbimet e Komisariatit të Policisë Gramsh, si rezultat i kontrolleve masive të territorit, kanë gjetur dhe sekuestruar rreth 400 fidanë kanabis të kultivuar në gota plastike, gati për t’u mbjellë, informoi sot policia e Elbasanit.
Ky shtetas ishte i shpallur në kërkim pasi Gjykata e Shkallës së Parë Elbasan i ka caktuar masën e sigurisë “Arrest në burg “, për veprën penale “Kultivimi i bimëve narkotike”.
