Sipas Numbeo sistemi më i madh i të dhënave për koston dhe cilësinë e jetës, Tirana ka vijuar të përkeqësoj renditjen.
Kryeqyteti shqiptar është futur për herë të parë në renditje në mesin e vitit 2020, ku sërish u rendit e fundit në Europë, në vendin e 218, por që nga ajo kohë renditja po vjen vetëm në përkeqësim.
Nisur nga këto të dhëna deputeti i Partisë së Lirisë, Petrit Vasili në një postim në llogarinë e tij në Facebook shkruan se e gjitha kjo vjen si pasojë e hajdutëve dhe llafazanëve që drejtojnë kryeqytetin.
Kur drejtimin e Tiranes e rrëmbejnë hajdutët dhe llafazanët ajo vetem rrënohet!
Të gjithë treguesit e Tiranës, që lidhen me cilësinë e jetesës përkeqësohen çdo ditë keq e më keq dhe Tirana është kryeqyteti i fundit në Europë për cilësinë e jetës.
Klasifikimi i NUMBEO sistemi më i madh i të dhënave për koston dhe cilësinë e jetesës jep të dhënat tronditëse, që faktojnë gjendjen katastrofike të Tiranës.
[⬛️] Në renditjen aktuale Tirana ishte e 232-a nga 254 kryeqytete e qytete.
[⬛️] Tirana brenda nje viti ka rënë plot 17 vende nga një vit më pare, në mesin e 2021-it ishte në pozicionin e 215 ndërsa sot është në vendin e 232.
[⬛️] Për Indeksin e Ndotjes, Tirana është në vendin e 242, më e ndotura në Europë dhe ndër të fundit në botë.
[⬛️] Në Indeksin e Kujdesit Shëndetësor, Tirana është në vendin e 246, e fundit në Europë
[⬛️] Por, në indeksin e fuqisë blerëse Tirana është në vendin e 231 ndër të fundit.
[⬛️] Në indeksin e trafikut, Tirana është në vendin e 181 nga 254 qytetet që kanë më shumë trafik.
Betonizimi kriminal me kulla, rrëmbimi i pronave, vjedhja me inceneratorët shkatërruan Tiranën.
Kur Tirana drejtohet nga hajdutë dhe llafazanë që vetëm grabisin dhe llomotisin ajo vetëm shkatërrohet duke ju nxirë përditë jetën qytetarëve të saj.
