Një aksident ka ndodhur orët e para të ditës së sotme në Godega di Sant’Urbano, Itali. Nga raportimet mësohet se një Volkswagen Polo, me 4 të rinj brenda (midis moshës 18-19 vjeç), humbi kontrollin në kthesë dhe doli nga rruga.
Mjeti përfundoi në një kanal kullues, përmbys. Pasojat ishin fatale, asnjë nga 4 të rinjtë nuk mbijetoi.
Të rinjtë, sipas mediave italiane, po ktheheshin në shtëpi pas një feste. Viktimat janë tre djem italianë dhe një shqiptar i moshës 19 vjeç.
Ata që ngritën alarmin në lidhje me aksidentin ishin banorët e zonës të cilët kishin dëgjuar zhurmën. Menjëherë kishin telefonuar policinë dhe ambulancën, por ishte tepër vonë pasi të rinjtë kishin ndërruar jetë.
Hetimet mbi shkaqet e aksidentit kanë nisur.
