Nga Durrësi, ku po zhvillon një takim me strukturat e Partisë së Lirisë, Ilir Meta tha se monopolet në çdo fushë na bëjnë të kemi këtë ekonomi me çmime shumë të larta dhe paga shumë të ulëta, të cilat ndikojnë në rritjen e varfërisë në vend.
Meta tha se Maqedonia e Veriut prej vitesh po aplikon zonat e lira ekonomike, atëherë pse mos aplikohet edhe këtu në Shqipëri?
“Zonat e lira do të ofrojnë investitorët seriozë, jo ata që vijnë për pazare, që fshihen guaskë pas guaske. Investitorët e ndershëm duan një drejtësi të pavarur dhe të ndershme, ndërsa Edi Rama shpik investitorët strategjikë brenda ditës, madje duke miratuar edhe ligjet që i favorizojnë brenda ditës.
Këtu në Durrës kemi aferën e Portit të Durrësit, e cila bie në kundërshtim me marrëveshjen e Asociim-Stabilizimit, e cila kërkon konkurencë dhe jo eleminim të saj.
Këtu kemi të bëjmë me një aferë, me një arrogancë dhe brutalitet, prej të cilit nuk do të fitojnë as qytetarët dhe as ekonomia e Durrësit”, tha Meta.
