Anëtari i Këshillit Kombëtar të PD-së, Jamarbër Malltezi, thotë se SPAK ka frikë të hetojë aferën e incineratorëve.
Sipas tij këtë e tregin më së miri fakti se nuk ka guximin ti bashkojë në një dosje të vetme dhe pse është e njëjta aferë dhe të njëjtët personazhe pas saj.
Në një intervistë me skype për Rtv Ora me gazetaren Beti Njuma ai tha se nëse në vend do të kishte shtet ligjor kryebashkiaku Veliaj do të duhej të ishte duke derdhur djersë të ftohta para SPAK.
“Për fat të keq Erion Veliaj ka mbi 3 vjet që paguan nga 29 euro për ton ndonëse aty kemi landfill dhe nuk kemi fare incinerator. Nëse do kishte shtet ligjor Erion Veliaj do të duhej të ishte duke derdhur djersë të ftohta dhe duke dhënë përgjigje të detajuara para SPAK. Për fat të keq kemi një drejtësi të kapur të Soros. A kemi të bëjmë me tre afera të ndryshme apo një aferë? Kemi të bëjmë me personazhë tqë ndryshëm apo janë të njëjtë? Janë të njëjtët persona. Janë të njëjtët persona me në krye Edi Ramën, Agaçin, Ahmetaj dhe të njëjtët sekserë Klodian Zoton, Mirel Mërtirin dhe Stela Gugallen.
Stela Gugallja na doli dhe në Tiranë, janë të njëjtët personazhe. Kur SPAK nuk ka këllqe as ti mbledhë këto tre dosje që kanë të njëjtët personazhe në një të vetme tregon se SPAK ka frikë dhe është i kapur. Bllako dhe zyrtarë të tjerë të Ministrisë së Mjedisit akuzohen vetëm pë zërin kadastral të tokës që e kanë shpronësuar si tokë truall por ishte tokë arë. Është një aferë më pak se 300 mijë euroshe.Në vlerën totale të 430 milion eurove kjo aferë është më pas se 0.1%. Nuk duan ta trajtojnë. SPAK duhet të hetonte Veliaj për firmën që ka vënë pa pyetur këshillin bashkiak”, u shpreh Malltezi.
Ai shtoi se kjo aferë është kaq e tmerrshme saqë ngado ta kapësh ke afera pa fund.
“Kjo është një qeverisje e korruptuar nga koka te këmbët.Të gjitha ndodhin me urdhër të Edi Ramës që ndan paratë. Edi Rama po falimenton shtetin vetëm për të kapur pushtetin”, theksoi ai.
