Aktorja dhe moderatorja Rudina Dembacaj ka realizuar një intervistë virtuale me ndjekësit në Instagram, ku i është përgjigjur disa pyetjeve të drejtuara nga ndjekësit. Vëmendje mori një pyetje të cilës Rudina vendosi t’i përgjigjej publikisht. Megjithëse ajo u përgjigj, nuk e zbuloi të plotë pyetjen.
“Çfarë mendon për xxxxx tënd që flet sikur gjasme ai ka edukuar xxxx vetë??”- është pyetja (e paplotë) të cilën Rudina e postoi.
“Më këputet shpirti për këdo që bën gjoja, në çfarëdolloj situate. Kanë nevojë për vëmendje thjesht gjynah”– shkruajti Rudina në Instastory-n për të cilin u pendua më pas dhe e fshiu.
Aktorja as nuk zbuloi e as nuk përmendi emra në postim, por disa detaje në fjalinë e shkruar nga ndjekësi dhe fakti që ajo vendosi ta fshijë, nxisin dyshimet se pyetja dhe deklarata mund të ishin në lidhje me ish-bashkëshortin e Rudinës dhe partneren e tij.
Nisur nga pyetja, ndjekësi pyet për dikë që ka bërë një deklaratë në të cilën ka thënë se ai “ka edukuar dikë tjetër vetë” (pa Rudinën në këtë rast). Rudina dhe ish-partneri i saj Aleksandër Varfaj kanë një vajzë të quajtu Viktoria.
Një tjetër detaj që shton dyshimet se Rudina Dembacaj ironizoi dhe thumboi ish-bashkëshortin e saj së bashku me partneren e tij të re, është një deklaratë e bërë nga ana e kësaj të fundit. Aleksi publikoi pak kohë më parë një foto të vajzës dhe komenti i partneres së tij mori vëmendje të madhe.
“E dashuruar me ty si babi dhe e dashuruar akoma me shume me vajzen qe ti ke rritur…”– i shkruajti ajo, pa përmendur askund Rudinën.
