Moderatorja e njohur Neda ka kërkuar urdhër-mbrojtje ndaj ish-bashkëshortit të saj, Ogren Ballukut, vëllai i zv-kryeministres Belinda Balluku vetëm pak muaj pas përfundimit të martesës së tyre dhjetëvjeçare.
Sipas raportimeve të mediave procedurat janë nisur pas divorcit, gjë që tregon se ndarja e çiftit nuk ka ardhur në mënyrë të qetë.
Në daljen e parë publike pas ndarjes, Neda pranoi se martesa ka kaluar kriza të përsëritura. Moderatorja zbuloi se kjo nuk është hera e parë që marrëdhënia është përballur me momente të vështira, duke kujtuar se një krizë e ngjashme ndodhi edhe në vitin 2020.
“Nuk është hera e parë që jam në këtë situatë; diçka e tillë ka ndodhur edhe në 2020 dhe atëherë e kapërcyem. Dëshira ka qenë gjithmonë për të ruajtur familjen,” tha ajo, ndërsa theksoi se prapë do të bënte të njëjtin zgjedhje.
Neda dhe Ogreni u njohën në vitin 2010 gjatë spektaklit “Big Brother Albania 4”, ku ishin të dy konkurrentë. Romanca e tyre shpejt u kthye në një histori të përfolur publike dhe u kurorëzua me martesë në vitin 2015. Çifti është prind i dy djemve, Serzh dhe Zai.
