“Vampirë, jepni dorëheqjen”, ishte një nga pankartat e shumta në protestën qytetare të organizuar pasditen e sotme në Tiranë, ku u kërkua drejtësi për Jonada Avdiun, 7 vjeçaren, e cila u godit për vdekje nga një skaf në bregun e detit në Potam, i cili drejtohej nga komisari Arjan Tase.
Në pankartën e veçantë ishin edhe fotot e Kryeministrit Edi Rama, ministrave Bledi Çuçi dhe Mirela Kumbari dhe Drejtorit të Përgjithshëm të Policisë, Gledis Nano.
Duket se protestuesit i kanë kthyer kështu përgjigje Kryeministrit Rama, i cili pak orë pas vrasjes ë Jonadës, i quante vampirë qytetarët dhe mediat që kërkonin drejtësi dhe bënin përgjegjës Qeverinë për ngjarjen e rëndë.
