Disa qindra qytetarë, të thirrur nga shoqëria civile, por të mbështetur edhe nga opozita, po protestojnë para Ministrisë së Brendshme, lidhur me ngjarjen tragjike të ndodhur dy ditë më parë në Himarë, ku një vajzë 7-vjeçare, u godit për vdekje nga një skaf që drejtohej nga komisari Arjan Tase.
Qytetarët nën moton “e vrau shteti, jo varka” kanë bërë thirrje për largimin e Bledi Çuçit nga posti i ministrit të Brendshëm, por edhe çdo drejtuesi tjetër të Policisë së Shtetit.
Qytetarët kanë shprehur revoltën e tyre lidhur me atë që e konsideruan si një vrasje shtetërore.
“Kjo qeveri nuk ndjen asnjë detyrim ndaj qytetarëve, nuk mban asnjë përgjegjësi”, u shprehën protestuesit, ndërsa Edi Rama u konsiderua armik dhe anti-shqiptar.
