Një 37-vjeçar u arrestua nga policia e Kurbinit, pasi goditi me mjet prerës dhe sende të forta një të moshuar, pas një konflikti të çastit.
Policia njoftoi se ka arrestuar në flagrancë shtetasin M. P., 37 vjeç, banues në Kurbin. Ai dyshohet se mbrëmjen e djeshme, pas një konflikti të çastit për motive të dobëta, ka goditur me mjet prerës thikë dhe sende të forta shtetasin H. S., 65 vjeç, banues në Kurbin, i cili ndodhet në spital, jashtë rrezikut për jetën.
Materialet procedurale iu referuan Prokurorisë pranë Gjykatës së Rrethit Gjyqësor Kurbin, për veprime të mëtejshme.
