Ngjarja e rëndë në plazhin e Potamit në Himarë, ku një fëmijë 7 vjeç ka humbur jetën pasi u përplas nga një skaf, ka ngritur peshë zemrat e gjithë shqiptarëve.
Pas kësaj tragjedia, moderatorja Klea Huta ka shkruar se ndihet shumë e ngarkuar psikologjikisht duke i bërë thirrje shtetit të marrë masa për këta gangstera.
“Jam shumë e ngarkuar psikologjikisht nga lajmi që sapo lexova për të miturin në Himarë, Potam që e ka përplasur për vdekje një motoskaf. Si mund ta lejojë shteti një afërsi të tillë në breg të detit me pushues familjar. Çfarë faji ka fëmija shkretë. Si qytetarë si prind dhe si nënë i them shtetit tim të marrin masa për këta gangstera. Jam pranë prindërve dhe familjarëve të vogëlushit dhe s’kam fjalë për ngushëllim. Mund të ishim secili prej nesh në vend të tyre”, ka shkruar Klea në Instastory.
Një ndër personazhet e tjerë të famshëm që ka reaguar është dhe Arbana Osmani e cila ka shkruar në Instastory: “Shqipëria që nuk dua”, shoqëruar me një zemër të thyer.
