Kryeministri Edi Rama dhe ministri i Mbrojtjes Niko Peleshi, kanë mbledhur sot kryebashkiakët e vendit, dhe strukturat e emergjencave civile për të koordinuar detyrat në shuarjen e zjarreve,
Rama u shpreh se ka bashki model si ajo e Beratit apo Fierit, dhe të tjera më pak të tilla, siç përmendi rastin e bashkisë së Durrësit. Sipas kryeministrit një pjesë e mirë e kryebashkiakëve nuk i kuptojnë detyrat që kanë, dhe shtoi se helikopterët nuk mund të përdoren për çdo situatë zjarresh.
“Ju thirrëm se Gushti do jetë shumë sfidues se duam që të gjithë të jenë të angazhuar se po e shikoni që këtu nuk po ka më zona të imunizuara, të gjitha zonat janë potencialisht në rrezik nga zjarret. Shikojmë një situatë problematike në aspektin e kuptimit të detyrës nga një pjesë e juaja, e bërjes së detyrës nga një pjesë e bashkive lidhur me situatën dhe kundërpërgjigjen ndaj zjarreve.
Për ne kjo është një situatë me të cilën duhet të jemi shumë të vetëdijshëm që do bashkëjetojmë çdo periudhë vere. Zjarret janë një problem serioz. Areyeja kryesore pse jemi këtu është nuk mund të trajtohet vetëm nga Ministria e Mbrojtjes dhe Emergjencat Civile se Mbrojtja Civile është një përgjegjësi e të gjitha niveleve të pushtetit.
4% të buxhetit total vjetor që e keni për të zvogëluar rriskun dhe për t’u mbrojtur nga fatkeqësitë që vijnë nga fondet e buxhetit të shtetit janë aty për tu kujtuar se kjo është punë e përbashkët.
Kjo historia e helikopterit është një histori që duhet kuptuar mirë që reagimi është i përshkallëzuar dhe në gjithë botën e në vendet më të zhvilluara fillon nga niveli i ulët vendor dhe nga ata punonjësit e emergjencave apo vullnetarët që shkojnë dhe fillojnë punën, që nga puna me krah deri pastaj me mjete e deri te helikopteri”, tha Rama gjatë fjalës së tij.
Ndërkohë, ministri pa përmendur emra apo bashki, ka thënë se ka kryeashkiakë që kërkojnë nga Forcat e Armatosura ngritjen e helikopterëve për shuarjet e zjarreve ndërkohë që vetë janë me pushime.
Madje Peleshi tha se mirë është që pushimet të mos i bëjnë në Gusht.
“Ka bashki ku kjo funksionon perfekt, ka dhe bashki që fikin telefonin e thonë nuk është zjarri im dhe nuk përgjigjen. Nëse do funksonojmë si e thame e të kuptoni që përgjegjësia e ruajtjes së territorit është e bashkive, FA janë në mbështetjen tuaj.
Nuk është detyra jonë e ju na mbështesni, se shpesh kështu kuptohet që nga toni me të cilin flet kryetari i bashkisë që merr në telefon për helikopterin pa lëvizur as gishtin vet e në ndonjë rast dhe nga plazhi thonë zoti ministër ku është helikopteri.
Vitin e kaluar kam shkuar vetë unë aty e nuk kam gjetur as kryetarin as perfektin kam pyetur e më kanë thënë janë me pushime.
Mirë është që pushimet të mos i bëjmë në gusht, për mendimin tim ne nuk u urdhërojmë dot por sugjerimi do jetë që se cili prej nesh duke nisur nga unë e gjithë kryetarët e bashkive të jemi alert mos mungojmë kur ka emergjenca”.
