Sekretari Organizativ në PD, Klevis Balliu ka qenë i ftuar në studion e lajmeve të Fax News, ku ka komentuar aktualitetin politik, fillimisht për etiketimin si spiun të Ilir Metës. Balliu tha se e gjithë dosja për Metën ishte e sajuar, pasi të gjithë e dinë sipas tij që presidenti nuk ka jetuar ndonjëherë në konvikte.
Balliu u shpreh se çështja e Metës është hedhur për diskutim me qëllim largimin e vëmendjes nga afera e shekullit sipas tij, që është ajo e inceneratorëve. Demokrati tha se i pari që duhet të ishte përpara SPAK për këtë çështje është kryebashkiaku i Tiranës Erion Veliaj.
“Partia e Edi Ramës është e mbushur sot me bashkëpunëtorë të sigurimit, mediat janë të mbushur me bashkëpunëtorë të sigurimit, unë kam dalë me emër dhe mbiemër për disa individë, është një lojë e shëmtuar që nuk duhet të bëjë asnjë lajm. E bëjnë për të tërhequr vëmendjen nga afera e shekullit që është ajo e inceneratorëve.
Sot të gjitha mediat po diskutojnë për një gjë që nuk ekziston, në një vend që të flasin për një çështje konkrete ku qytetarët po vidhen. Në vend që të hetojnë Erion Veliajn që del e dërdëllit nëpër Tiranë. Erion Veliaj ka firmosur mbi 80 milionë euro për inceneratorët, për një incenerator që nuk ekziston.
Pronarët e vërtetë janë Lali inceneratori, Edi Rama, Arben Ahmetaj u shkarkua për arsye të inceneratorëve, këta janë disa përbindësha në xhunglën mavi që janë sulur për llokmën e madhe.
Llokmën më e madhe si duket po e hante Ahmetaj, por e tërhoqi Veliaj, po shtyhen për llokmat, ndërkohë që ne këtu rrimë dhe diskutojmë për një çështje që nuk ekziston. Vetë Edi Rama vjen nga një familje vrasësish, nuk pres moral nga ai. SPAK nuk kap dot Erion Veliajn, që e mbani mend se çfarë avokatie iu bënte inceneratorëve?”, u shpreh Balliu.
