Deputetja demokrate, Ina Zhupa, akuzoi sot kryetaren e Kuvendit, Lindita Nikolla për verbëri politike, pasi ndjek urdhërat e Edi Ramës, duke mos lejuar opozitën të flasë për proçedurë në Kuvend.
“Nuk ka asnjë rëndësi për qytetarët se kë do vendosi Rama si ushtar të tij në qeveri. Sot parlamenti nuk mund të kishte çështje më të rëndësishme sesa të merrte shpjegimet e ministres së kulturës: Pse dhe si ka vendosur një antishqiptar në krye të Butrintit?
Refuzuan pa asnjë shpjegim interpelancën urgjente me Elva Margaritin për antishqiptarin Richard Hodges që sot i kanë dhënë Butrintin dhe nuk lejuan as fjalën për procedurë.
Nuk e mbroni dot tradhëtinë kombëtare duke mbyllur mikrofonat e parlamentit për opozitën”, tha Zhupa.
