Ka marrë një formë të dhunshme protesta e ditës së sotme nga shoqëria civile të cilët protestojnë kundër betonizimit në Parkun e Liqenit. Forca të shumta të policisë së forcave speciale, të FNSH-së si dhe policë bashkiakë e të rendit kanë qenë për të ndaluar protestën. Mësohet se protestuesit kanë shtyrë kordonin e policisë të cilën e kishin vënë për të penguar protestën. Nga ngjarja një protestuesi i ka rënë të fikët, ndërsa Flamur Noka është konfliktuar me policinë.
Protestës së shoqërisë civile i është bashkuar dhe Partia Demokratike të cilët janë përplasur me punonjës të Policisë Bashkiake gjatë përpjekjeve për prishjen e rrethimit ku po zhvillohen punimet për këndin e lojërave te Parku i Liqenit.
Sipas kreut të grupit parlamentar të Partisë Demokratike, Edi Paloka, protesta e shoqërisë civile do të mbështetet nga ata pa skenar të caktuar.
Mbështetësit e Partisë Demokratike por dhe deputetë të saj Deputetët Flamur Noka, Genc Pollo dhe Gerti Bogdani shihen edhe nga foto si tërheqin rrethimin me tela.
Ndërkohë për të penguar një gjë të tillë kanë mbërritur forca të shumta speciale
Protestuesit kërkojnë të ngrenë çadra brenda sheshndërtimit të parkut, për të qendruar aty deri në ndërprerjen e punimeve, por policia nuk i ka lejuar.
