Partia demokratike ka shkuar në protestën e shoqërisë civile për ta mbështetur atë. Sipas tyre ata nuk kanë përgatitur një skenar të caktuar po janë aty për të mos u shkelur ligji dhe për të mbrojtur qytetarët e thjeshtë ndaj dhunës së policisë. Duket se deputeti i PD-së, Flamur Noka ka qenë pak më i “egër” ndaj mbrojtjes së protestës dhe qytetarëve që protestuan sot tek Parku i Liqenit. Në këtë foto paraqitet Flamur Noka i cili është përleshur me policinë duke thyer kordonin e tij për të ecur bashkë me protestuesit. Protestuesit kërkojnë të ngrenë çadra brenda sheshndërtimit të parkut, për të qendruar aty deri në ndërprerjen e punimeve, por policia nuk i ka lejuar.
