Ish-Kryeministri Sali Berisha ka publikuar pamje nga vendi ku u gjet e djegur një automjet, që dyshohet se është përdorur nga autorët në atentatin e ndodhur në qendër të Laçit, ku një 27 vjeçar humbi jetën, dhe një 47 vjeçar mbeti i plagosur rëndë.
“Si në filma horror, automjeti që është duke u djegur dyshohet se u përdor nga autorët e atentatit të kësaj mbrëmje ku mbeti i vrarë 27 vjeçari, Klisman Preçi.
I plagosur ka mbetur edhe Ylli Brahimi, 46 vjeç. Ky i fundit ndodhet në spital nën kujdesin e mjekëve, në gjendje të rendë shëndetësore”, shkruan Berisha.
