Deputeti i PD, Tritan Shehu, në një intervistë për Faxnews, e ka cilësuar çeljen e negociatave mes Shqipërisë dhe BE-së, si një ngjarje historike për vendin tonë, si një mesazh që Shqipëria i përket Europës.
Por Shehu u shpreh se Rama nuk e ka vullnetin për ta çuar vendin në Europë, ndërsa shtoi se qëllimisht e lidhi integrimin me Maqedoninë e Veriut, si një mënyrë për të maskuar dështimin e qeverisë.
“Është një ngjarje historike, çelja e negociatave, drejt një procesi jetik , një mesazh që Shqipëria i përket Europës, një hap i vonuar, që nga viti 2013 e deri tani.
Një vonesë qe bie mbi supet e kësaj qeverisje, me politikat e gabuara që ka zbatuar. Rruga përpara është e gjatë, jo e shkurtër.
Ajo që ndodhi dje e nje qeverisje autokratike ku kerkohet të përbuzet opozita, e nje qeverisje larg standarteve demokratike. Nje qëndrim despotik i kësaj qeverie. Kemi të bëjmë me nje situatë shqetësuese”, tha Shehu.
Rama qëllimisht e lidhi integrimin me Maqedoninë e Veriut. Ne dështuam për 3 kushte, që shkuan në 15 e më tepër. Rama për të maskuar dështimin e qeverisë na lidhi me Maqedoninë , ishte një veprim cinik për të fshehur dështimet e brendshme. E shoh Shqipërinë në një udhëkryq historik. Rama nuk ka vullnetin për të çuar Shqipërinë në Europë.
