Një 27-vjeçare greke, e cila shfaqet në rrjetet sociale për të ofruar shërbime “Hospitality Management” në Mykonos dhe Dubai është mes të arrestuarve për trafik kokaine në Mykonos.
Protothema.gr shkruan se e reja jetonte me një 28-vjeçar shqiptar, që dyshohet se kishte zhvilluar aktivitet të tijin intensive në ishull.
Ajo shistenë Mykonos të gjitha llojet e drogërave, duke filluar nga kokaina, kanabisi dhe MDMA, që njihet edhe si “zonja e festave”, e cila mund të çojë edhe në vdekje, kur përzihet me alkool.
Bëhet me dije se 27-vjeçarja mbante paratë e trafikut të lëndëve narkotike, që i siguronte i dashuri i saj.
Bashkë me dyshen, u arrestua edhe një 65-vjeçar nga Izraeli, që sapo kishte blerë 1.1 gramë kokainë, për vlerën 200 euro. Çifti u lokalizua në zonën Tagou-Argyraina dhe u bë kontroll në shtëpinë ku banonin trafikantët.
Aty policia gjeti tre pako kanabis me peshë 4.3 gram, tre pako kokainë me peshë bruto 6.6 gram, 5.4 gram të tjera kokainë, si dhe 2174 € dhe tre celularë.
Ata gjetën gjithashtu një peshore precize dhe 570 dollarë amerikanë, 420 00 paund britanik, 25 dollarë kanadezë, 115 dirhemë të Emirateve të Bashkuara Arabe, 200 lekë shqiptare, 55 dollarë australianë dhe 20 dollarë zvicerane.
E reja shfaqet në rrjetet sociale si person që ofron shërbime të Menaxhimit të Mikpritjes në Mykonos dhe Dubai. Tre të arrestuarit do të sillen sot në prokurorinë e Sirosit.
