Julian Lala pikasi në emisionin “Përputhen” dhe u bë shumë i njohur për publikun. I ftuar së fundmi në “Pushime On Top”, ai ka folur më shumë për veten e tij.
I pyetur se me cilët nga ish-konkurrentët e “Përputhen” vazhdon të ruajë ende miqësi, Juli tregoi se me asnjë prej tyre nuk ka më komunikim.
“Pak a shumë me asnjë. Unë ika që ditën që mbaroi. Kur u kujtova për 6 muaj, ishin martuar gjysma. Nja dy kanë bërë dhe kalamaj”- u shpreh Juli.
Juli rrëfeu se nuk ka kontakt as me Sindin, e cila i ka bërë bllok. Ai gjithashtu u shpreh se në “Përputhen” nuk do futej më, por në “Big Brother VIP” po.
“Në Përputhen jo, se u futa njëherë dhe nuk funksionoi. Aty ku do doja të futesha është “Big Brother”. Është shumë interesante të ulem 3 muaj me të njëjtët persona dhe jo vetëm të eksploroj ata, por të eksploroj veten, se si një njeri shumë i lumtur, futet në një emision televiziv dhe në një shtëpi të blinduar dhe sheh një njeri të mbyllur brenda kuadratit. Jam shumë kurioz ta shoh edhe nga ana e jashtme, por edhe nga brenda se si do zhvillohem. Do iki fare nga trutë e kokës apo do përshtatem me absurditetin që ne do e quajmë në normalitet për 3 muaj“- tha Juli.
