Aleanca për Mbrojtjen e Butrintit po vijon protestën para Parlamentit për të kundërshtuar dhënien me koncesion të Parkut Natyror të Butrintit, që pritet të votohet sot nga deputetët e PS-së në seancë plenare.
Në postimin e tij në Facebook, gazetari dhe aktivisti Aulon Kalaja, njofton se ndodhen ende para Parlamentit për qëndresë, në mbrojtje të Butrintit, shpirtit të kombit tonë.
‘Larg duart nga Butrinti’, shkruan Kalaja.
Protesta ka nisur mëngjesin e sotëm në orën 10:00 ku aktivistët e Aleancës për Mbrojtjen e Butrintit u përplasën me policinë e cila nuk donte ti lejonte të protestonin para Parlamentit me argumentin se po pengonin deputetët të futeshin në sallën e Parlamentit.
Postimi i plotë i Aulon Kalasë:
Ne jemi ende para Parlamentit në qëndresë!
Të mbrojmë Butrintin, shpirtin e kombit tonë.
Larg duart nga Butrinti.
