Ish-ministri Ylli Manjani ka reaguar pas analizave bajate të analistëve të kryeministrit Edi Rama në televizionet e vendit për protestën e 7 korrikut.
Në postimin e tij në Facebook, Manjani shtron disa pyetje me rëndësi dhe thekson se ‘dy janë alternativat, ose protesta ishte në përmasa shqetësuese dhe analistët e Ramës kanë marrë detyrë ta relativizojnë, ose relativizimi i një proteste pa rëndësi bëhet nga budallëku’.
Gjithashtu Manjani vlerëson edhe analistin Baton Haxhiu, i cili ishte i vetmi që pranoi ndikimin real të asaj proteste në jetën politike.
Postimi i plotë i Ylli Manjanit:
Një gjë se kuptoj!?
A nuk ishte gjë kjo protesta e Saliut?!
A nuk kishte njerëz?!
Atëhere përse harxhojnë frymë analistët e Ramës ta shajnë, ta zvogëlojnë e ta zhvleftësojnë!
Nëse ndihen rehat me atë protestë, pse merren me të dhe nuk pushojnë?!
Dy janë alternativat, ose protesta ishte në përmasa shqetësuese dhe analistët e Ramës kanë marrë detyrë ta relativizojnë, ose relativizimi i një proteste pa rëndësi bëhet nga budallëku.
Budallëku në këto raste është viral…
****
Më i sinqerti ndër ata të virusuarit nga budallëku doli Baton Haxhiu. Kije inat por jepi hakun.
I vetmi që pranoi ndikimin real të asaj proteste në jetën politike.
Ndërsa më qesharakët janë ata që bëjnë si Amerikanë. 🤣🤣🤣
Supaxhinjtë e sufllaqexhinjtë që jargaviten në tv duke pritur ushqimin,nuk ja vlejnë asnjëherë ti përmendësh e as ti dëgjosh.
