Pas përfundimit të protestës madhështore të thirrur nga opozita dhe Shoqëria Civile, në emisionin ‘Çim Peka LIVE’, po diskutohet për pjesëmarrjen e papritur të shqiptarëve.
Për analistin Enton Abilekaj, kjo pjesëmarrje ishte e papritur për shumë njerëz. Sipas tij, edhe vetë Berisha nuk priste të kishte kaq shumë njerëz në shesh.
‘Pjesëmarrja ishte e papritur, ishte shumë e madhe. Askush nuk e priste, duke pasur parasysh kushtet, jo vapa, vera, stina. Ideja që nuk do të ketë një vazhdimësi.
Sepse kjo është një protestë vetëm sa për të bërë një test. Ishte një manifestim force, më shumë se protestë.
Për këto arsye, u mendua se nuk do të kishte një pjesëmarrje të lartë. Por pjesëmarrja e sotme ishte shumë më e madhe, sesa e mendonte njeriu më optimist, dhe ai njeri ka qenë Sali Berisha në këtë rast.
Kjo tregon se ka një pakënaqësi shumë të madhe, njerëz që nuk pyesin më se kush do e kapitalizojë, adresojë apo përfitojë. Pakënaqësia e madhe është e nivelit të heqim qeverinë dhe nuk ka rëndësi se kush vjen’, – tha analisti Enton Abilekaj.
