Aktori Neritan Liçaj në një video-mesazh drejtuar shqiptarëve për protestën e 7 korrikut, shprehet se shqiptarët kanë një listë të gjatë të arsyeve që duhet të dalin e të protestojnë.
Liçaj tha se kjo qeveri dhe mazhorancë i ka vendosur shkelmin në fyt shqiptarëve. Ai shprehet se Qeveria është rreziku më i madh që kanë sot shqiptarët dhe Shqipëria.
“Pa liri dhe demokraci, ky vend s´ka qetësi. Ne duhet ti tregojmë qeverisë me mjetet demokratike se nuk mund të mposhtë një popull”, shprehet Liçaj.
Ai thekson se fatkeqësisht shumë shqiptarë sot shesin lirinë për bukën e gojës.
“Ne duhet të luftojmë që të bëjmë Shqipërinë madhështore. Kjo qeveri e kjo mazhorancë nuk përfaqëson më shqiptarët”, shprehet Liçaj.
