Cristiano Ronaldo nuk do jetë sot në stërvitjen e Manchester United. Portugezi ka kërkuar largimin nga “Djajtë e Kuq”, për shkak të merkatos së dobët dhe qëndrimit jashtë Ligës së Kampioneve.
Sulmuesi nuk do jetë në nisje të përgatitjeve për United, duke u arsyetuar se “ka një problem familjar”. Me arsyen gati, United duket se ka pranuar mungesën e Ronaldos.
37 vjeçari pak ditë më parë kërkoi largimin nga United, teksa agjenti i tij Jorge Mendes po punon në disa pista për ta sistemuar.
PSG dhe Bayern Munich kanë refuzuar sulmuesin, ndërsa mbetet pista e Serie A për Ronaldon.
