Kreu i Partisë Demokratike, Sali Berisha në takimin online me shqiptarët e Diasporës deklaroi se tashmë është krijuar Fronti për Shpëtimin e Shqipërisë, front i cili do vazhdojë të shtrihet e të zgjerohet edhe në Diasporë.
Berisha tha se Rama ka mbështetje jo vetëm Beogradin dhe George Soros, por edhe Stambollin. Berisha tha se këta të fundit kërkojnë të na emërojnë kreun e KMSH, gjë të cilën kreu i PD-së tha se s’do ndodhë.
“Siç e dini kemi krijuar Frontin për Shpëtimin e Shqipërisë. Ky fron do vazhdojë të shtrihet dhe zgjerohet në diasporë dhe emigracion.
S’është betejë e lehtë. Qeveria e Ramës ka mbështetjen e Beogradin. E vërteta është edhe Stambollin pasi kërkohet të na emërohet kreu i KMSH, çka nuk do të ndodhë. Mbështetja kryesore e tij është George Soros.
Shqipëria de fakto është republikë e tij, e Sorosit. Të gjitha organizatat e shoqërisë civile, të sponsorizuara prej tij, janë leva të PS. Në vend që të shërbejë si kanal frymëmarrës për demokracinë, bëjnë të kundërtën e saj.
Ky multimiliarder krijoi pas largimit të PD nga pushteti të ashtuquajturin tru të reformës në drejtësi, e vendosi në kontroll të plotë të ekzekutivit drejtësinë shqiptare”, tha Berisha.
