Multi miliardari kontrovers, Xhorxh Soros po zhvillon një vizitë në Shqipëri, larg vëmendjen publike. Nga raportimet mësohet se ai ka mbërritur në Shqipëri dy ditë më parë dhe ka zhvilluar një takim me kryebashkiakun Erion Veliaj, raporton Syri tv.
Më pas Soros ka udhëtuar drejt jugut të vendit, ndërsa nuk dihet arsyeja e vizitës së tij në Shqipëri. Vizita e George Soros në Shqipëri zhvillohet në një kohë kur në Shqipëri ka Qeveria ka nisur debati lidhur me legalizimin e kanabisit për qëllime mjekësore.
Edhe për këtë nismë të Kryeministrit Rama, ka pasur akuza se i përket doktrinës së Sorosit. Gjithashtu vizita e George Soros vjen në një kohë kur ka një debat të hapur lidhur me ligjin për investitorët strategjikë, ku përmes vendimeve të Qeverisë, po përfitojnë personazhe të lidhur me të, përfshi këtu edhe bashkëshortin e ministres së Jashtme, Olta Xhaçka.
Djali i tij, Alex Soros, ka mbikqyrur me shumë kujdes gjithë procesin e Open Balkan, duke qenë pjesë e bisedimeve të hapura apo informale mes kryeministrave dhe Presidentëve që i janë bashkuar nismës në fjalë.
PD ka thirrur një protestë më 7 korrik dhe kreu i PD, Sali Berisha tha se shqiptarët do protestojnë edhe kundër Soros, pasi çdo projekt antishqiptar lidhet me emrin e tij.
Berisha ka akuzuar Soros për lobimin që ka bërë për shpalljen e ish-Kryeministrit Sali Berisha “non grata” nga DASH.
Soros vjen nga SHBA ku grupet e tij janë përfshirë në fushatë pro-presidentit Joe Biden.
