Partia Demokratike e drejtuar nga Sali Berisha ka thirrur një protestë kombëtare e cila do të mbahet në orën 19:00 të datës 7 korrik, para Kryeministrisë.
Protestës i janë bashkuar disa nga partitë opozitare, si PAA, LSI, LZHK, PR, por edhe një pjesë e shoqërisë civile.
Në kuadrin e organizimit të protestës, Berisha dhe kryesia e PD kanë ngritur gjithashtu grupe pune, ku deputetëve iu janë dhënë detyra për organizimin e protestës.
Një ditë më parë, kreu demokrat tha se mijëra qytetarë do të bashkohen në protestë dhe ironitoi krzeministrin Rama, për të cilin tha se të enjten “do ia mbathë nga Tirana”.
Berisha tha se protesta do të ketë surpriza, ndërsa foli për nisjen e një revolucioni paqësor, i cili sipas tij do të përmbyllet me largimin e Qeverisë Rama.
Po ku do të jetë Kryeministri në datën 7 korrik?
Në të njëjtën datë, gjatë paradites, Kuvendi i Shqipërisë zhvillon seancën parlamentare, ku pritet që Edi Rama të jetë i pranishëm. Por sot Rama njoftoi se me 7 korrik do të inaugurohet Bypass në Vlorë, ku me shumë gjasa edhe si deputet i këtij qyteti, Ramanuk do të mungojë.
“Bypassi i Vlorës hapet në datën 7 dhe pastaj fillon “Korridori Blu”, me të gjitha lotet – Murriqan, Milot, Balldren, Thumanë, Kashar, Rrrogozhinë, Lekaj, Fier”, tha Rama sot në inaugurimin e aksit Kardhiq-Delvinë.
Nuk dihet nëse ceremonia e inaugurimit të By Pass do të bëhet pasdite, por me shumë gjasa, kur opozita të protestojë poshtë zyrës së tij në bulevardin “Dëshmorët e Kombit”, Rama mund të shfaqet në rrjetin social duke inauguruar investimin ne Vlorë.
