Është dëmtuar rrjeti elektrik në Tiranë.
Si pasojë e dëmtimit të disa fiderave të NST traktora nga punimet e një subjekti publik, kanë mbetur pa energji disa zona në Tiranë, raporton OSHEE.
Zonat e mbetura pa drita janë:
Pjesërisht: Qesarakë, rrugët “4 Dëshmorët”, “Bajram Curri”, “Riza Cerova”, “Kongresi i Manastirit”, zona pranë gjimnazit “Çajupi”, rrugët “11 Shkurti”, “Bardhyl”, “Hoxha Tahsim”, zona “Kodra e Priftit”, rruga “Sitki Çiço”, Shkozë dhe zona pranë Freskut.
Po punohet për të riparuar rrjetin e dëmtuar për rikthimin sa më të shpejtë të energjisë elektrike, njofton Operatori i Shpërndarjes së Energjisë Elektrike.
