Pas përfundimit të fjalimeve, qytetarët kanë nisur marshimin në rrugët e kryeqytetit.
Protesta u shoqërua edhe me fjalime të përfaqësuesve të shoqërisë civile, aktivistëve dhe qytetarëve, të cilët ngritën shqetësime për çështje që variojnë nga qeverisja dhe ekonomia deri te mbrojtja e mjedisit dhe pasurive natyrore.
Protestuesit mbanin flamuj kombëtarë dhe pankarta, ndërsa hodhën thirrje kundër qeverisë.
Gjatë marshimit u dëgjuan vazhdimisht thirrjet “Rama, jep dorëheqjen!”, ndërsa pjesëmarrësit kërkuan, sipas tyre, ndryshim të mënyrës së qeverisjes, më shumë llogaridhënie dhe mbrojtje të interesit publik.
Mobilizimi qytetar do të vijojë edhe në ditët në vazhdim.
