Një aksident i rëndë rrugor në Gjermani i ka marrë jetën një të reje shqiptare nga Kosova.
Viktima është identifikuar si Rina Krasniqi, me origjinë nga fshati Damanek i Malishevës. Lajmi i hidhur është bërë publik përmes një njoftimi në faqen zyrtare të fshatit, ku familjarë, miq dhe bashkëfshatarë kanë shprehur ngushëllimet për humbjen e saj.
Deri më tani nuk janë bërë të ditura rrethanat e aksidentit, ndërsa autoritetet gjermane nuk kanë publikuar ende detaje zyrtare mbi mënyrën se si ka ndodhur ngjarja.
Hetimet për zbardhjen e plotë të shkaqeve të aksidentit vijojnë, ndërsa pritet që në orët në vijim të ketë më shumë informacion nga autoritetet përkatëse.
