Edhe shqiptarët e Gjenovës në Itali kanë dalë në protestë këtë të diel për të kërkuar dorëheqjen e kryeministrit Rama.
Shqiptarët atje mbushin një prej shesheve të qytetit italian teksa në një podium të improvizuar mbajtën dhe fjalime.
Një nga mesazhet më të dukshme gjatë tubimit ishte pankarta me sloganin “Shqipëria nuk është në shitje”, e cila simbolizon kundërshtimin ndaj politikave dhe vendimeve që ata i konsiderojnë në dëm të interesave kombëtare.
Ndërkohë që në Tiranë zhvillohet protesta e 22-të masive kundër qeverisë, protestat janë shtrirë në gjithë vendet ku ka shqiptarët, të cilët deklarojnë se nuk duhet të heshtin më për të drejtat e tyre të mohuara.
