Po zhvillohet këtë të martë para kryeministrisë protesta e thirrur nga aktivistë dhe ambientalistë, ku mijëra qytetarë janë mbledhur kundër ndërtimit të një resorti në Zvërnec.
Një nga pankartat më të spikatura paraqet një dialog mes kryeministrit Edi Rama dhe ish-kryeministrit Sali Berisha, ku shkruhet me shkronja të mëdha: “Zaptuam Shqipërinë”.
Mes thirrjeve për heqjen dorë nga investimi, protestuesit iu përgjigjën qartë edhe ftesës së kryeministrit Edi Rama për dialog, me thirrjen: “Pa dorëheqje, s’ka dialog!”
“Jam bir shqipe more shkja, ti sha ne s’dime me sha, ta kemi thënë s’na e njef trunin. N’kryeministri ta ngremë flamurin.”, thuhet në pankartën e madhe që mbajnë protestuesit në duar.
Po ashtu, në të tjera shihen edhe shprehje si “Rama në burg, Berisha në burg”, “S’ka lind ai bir k’rve, e as ai bir cifuti qe t’na mari trojet tona”, etj.
