Situata në Zvërnec të Vlorës, aty ku po ndërtohet një resort gjigand turistik për dhëndrin e Donald Trump, ka kaluar ‘pa u vënë re’ nga Partia Demokratike, forca më e madhe opozitare në vend.
Edhe pse pamjet e dhunës, bënë xhiron e rrjetit një ditë më parë, ku protestuesit u tërhoqën zvarrë dhe u rrahën nga persona të maskuar, asnjë nga përfaqësuesit e PD-së nuk reagoi.
Lidhur me heshtjen e pajustifikueshme të opozitës, gazetar Armir Shkurti, ka ironizuar mes rreshtash kreun e kësaj force politike, Sali Berisha.
“Doktor Berisha! Sa i bukur perëndimi i diellit në Zvërnec”,– shkruan Shkurti, krahas një fotoje nga perëndimi në zonën e Zvërnecit.
