Një shkëndijë elektrike dyshohet se ka qenë shkaku i zjarrit të rënë mbrëmjen e së dielës në një pallat në kompleksin ‘Kadiu’ në Tiranë.
Siç shihet edhe nga pamjet e mëposhtme kabina elektrike e kompleksit ku ka rënë zjarri është djegur, ndërsa uret përreth janë bërë zi pershkak të tymit të madh të shkaktuar nga flakët.
Sipas policisëm, si pasojë e zjarrit janë shkaktuar vetëm dëme materiale.
“Rreth orës 22:45, në rrugën “Pasho Hysa”, dyshohet se si pasojë e një shkëndije elektrike, ka rënë zjarr në kabinën elektrike të një kompleksi pallatesh. Si pasojë janë shkaktuar vetëm dëme materiale. Grupi hetimor vijon punën për dokumentimin e plotë të rastit”,- thuhej në njoftimin e Policisë.
