Rikthehen tensionet në Maqedoninë e Veriut pas protestave të studentëve shqiptarë për të drejtën e provimit të jurisprudencës në gjuhën amtare. Tensionet ndëretnike tani kanë kaluar me mesazhe dhe parulla të shkruara mureve të Shkupit.
Në rrjetet sociale po qarkullon edhe një fotografi nga qendra sportive “Forca” në Shkup, ku është shkruar një slogan me gjuhë urrejtjeje ndaj shqiptarëve:
“As në tokë, as në qiell, vend për shqiptarë nuk ka”.
Figura politike dhe aktivistë kanë kërkuar reagim dhe ndërhyrje nga institucionet përgjegjëse në Maqedoninë e Veriut.
